e-mail/e-bost:-

maestro@cerdd.fsnet.co.uk

Beth sydd ar gael?

Yn ychwanegol i’r gwersi yn yr ysgolion, mae Gwasanaeth Cerdd Conwy yn rhedeg Canolfannau Cerdd ar ôl oriau ysgol gyda cherddorfeydd, grwpiau, bandiau a chorau ar gyfer disgyblion cynradd ac uwchradd.  Mae gweithgareddau gwahanol yn digwydd mewn gwahanol rannau o’r sir er mwyn rhoi cyfle i gymaint o bobl ifanc a phosib gymryd rhan.  Rhoddir anogaeth i ddisgyblion blaengar gymryd rhan mewn grwpiau rhanbarthol ac mewn gweithgareddau Cerddoriaeth Genedlaethol Ieuenctid Cymru.

CANOLFAN GERDD LLANDUDNO

Yn cyfarfod ar ddydd LLUN yn nhymhorau’r Hydref a’r Gwanwyn yn Ysgol John Bright, mae yno Gerddorfa Iau, Ensemble Gitâr Clasurol Iau, Ensemble Gitâr Clasurol Hÿn.

CANOLFAN GERDD BAE PENRHYN

Mae Cerddorfa Ieuenctid y Sir yn cyfarfod ar nos IAU yn Ysgol y Creuddyn.  Bydd yr Ensemble Telyn Hÿn, sy’n ymarfer yn yr ysgolion, yn ymuno â nhw ar gyfer cyngherddau.

CANOLFAN GERDD LLANRWST

Bydd Cerddorfa Iau ac Ensemble Gitâr Clasurol yn cyfarfod yn yr ysgol yn ne’r sir ar nos IAU.  Mae’r gwasanaeth yn awyddus i ysgogi cerddorion ifanc sy’n byw yn yr ardaloedd mwyaf gwledig i ymuno a datblygu’r hwyl sydd i’w gael mewn cerddoriaeth grwp.