|
|
 |
|
|
|
|
|
|
|
|
|
 |
|
|
Beth yw Gwasanaeth Cerdd Conwy?
Mae’r Gwasanaeth yn rhan o Adran Addysg Cyngor Bwrdeistref Conwy. Bydd yn darparu hyfforddiant offerynnol a lleisiol barhaol ar gyfer ysgolion Cynradd ac Uwchradd gyda thîm o athrawon cerdd proffesiynol. Bydd disgyblion yn dysgu chwarae offerynnau a chanu gan gymryd, ble’n addas, arholiadau cenedlaethol cydnabyddedig. Yn ychwanegol, mae cerddorfeydd, grwpiau, prosiectau arbennig ac amrywiaeth o weithgareddau eraill, fel sydd i’w gweld isod. Rheolwr y gwasanaeth yw Julie Meehan, Swyddog Datblygu Celfyddydau Mynegiannol.
|
|
|
|
Cliciwch ‘PROSIECTAU’ er mwyn darganfod ein CYSTADLEUAETH GYFANSODDI
|
|
|
|
Cliciwch ‘CYFEILLION’ er mwyn darganfod mwy am ‘CYFEILLION CERDD CONWY’
|
|
|
|
Grwpiau Sirol
Yn ychwanegol i’r gwersi yn yr ysgolion mae’r Gwasanaeth Cerdd yn rhedeg Canolfannau Cerdd rheolaidd ar ôl oriau ysgol, gyda cherddorfeydd, grwpiau, bandiau a chorau ar lefel gynradd ac uwchradd. Rhoddir anogaeth i ddisgyblion blaengar fynychu grwpiau rhanbarthol a gweithgareddau Cerddoriaeth Genedlaethol Ieuenctid Cymru .
CLICIWCH ‘CYMRAEG’ AC YNA ‘GRWPIAU’ I GANFOD MWY.
|
|
|
|
Benthyg a Phrynu Offerynnau
Gall y Gwasanaeth Cerdd fenthyg offerynnau am flwyddyn neu ddwy (yn dibynnu beth sydd ar gael), er mwyn galluogi disgyblion i ddarganfod offeryn addas heb y gost o brynu. Pan fo angen, gall yr athrawon gynghori wrth brynu offeryn, yn aml yn llawer rhatach na phris siop.
|
|
|
|
Cyngherddau Disgyblion
Bydd disgyblion sy’n mynychu’r Canolfannau Cerdd yn perfformio mewn cyngherddau Nadolig a Phasg ar gyfer eu cyfeillion, eu teuluoedd a’r cyhoedd yn gyffredinol. Cynhelir cyngherddau eraill yn achlysurol mewn amrywiaeth o safleoedd drwy’r sir, gan amlygu arddulliau arbennig megis Pop/Roc a chynnig llwyfan ar gyfer unawdwyr talentog ac/neu rannu cyfansoddiadau gwreiddiol gan ddisgyblion.
|
|
|
|
Cyngherddau Ensemble yStaff
Bob tymor yr haf bydd yr athrawon cerdd yn teithio’r ysgolion Cynradd gyda rhaglen ddeniadol o gerddoriaeth o Gymru ac o weddill y byd. Maent yn hynod boblogaidd gyda’r disgyblion ac yn rhoi cyfle perffaith i’r athrawon gyflwyno gwahanol offerynnau ac arddulliau mewn perfformiadau byw. Mae croeso i rieni a theuluoedd fynychu’r cyngherddau, yn dibynnu ar rwystrau’r ysgolion unigol (cysylltwch a’r prifathro lleol am fwy o fanylion).
|
|
|
